|
Panalangin Para sa Bagong Taon O mahal naming Hesukristo, Ikaw ang Panginoon ng kasaysayan Ang kamangha-mangha at mapagmahal mong pagliligtas ay sumasaamin sa paglakad ng panahon Isang taon ang muling nagdaan at ngayon ay nag-uumpisa na ng panibago ang isa pang bagong taon Sa aming pagbabalik-tanaw sa taong 2006, nararanasan naming muli ang iyong kabutihang-loob sa mga biyayang iginawad mo sa amin Nawa'y magdala pa ng higit na kabutihan ang taong ito Sa bawa't karanasan namin sa iyong mapagkalingang habag at pagmamahal, nawa'y higit kaming maging matulungin at mapagkalinga sa aming kapwa Nawa'y maisagawa namin ang mga naitalagang gawain sa amin at magbunga ito sa aming pagiging mas malapit pa sa Iyo Habang ang aming pagtanaw ay nakatuon sa kabilang-buhay na kung saan Ikaw ay aming makakasama Maraming salamat, o Diyos, sa Iyong pagkabukas-palad, sa paggawad mo sa amin ng panahon sa paglalakbay na ito tungo sa Iyong kaharian. Amen. |
USD 
PHP 
Kayo po ba’y sabik na sabik makarinig ng balita, musika, at iba pang impormasyon mula sa Pilipinas? Matatanggap ninyo ang lahat ng ito mula sa Filipino Service ng Radio Veritas Asia! Sa loob ng kalahating oras hanggang isang oras araw-araw, ang Filipino Service ang tagapag-ugnay sa inyong mga kababayan namin sa ibayong dagat at sa ating bansa. Sisikapin ng Filipino Service na paglingkuran kayo at makapaghatid sa inyo ng inspirasyon at mahahalagang kaalaman sa pamamagitan ng mga programang pangkaunlaran, pang-aliw, pang-espiritwal, at pagbabalita.
